ლევან სამხარაულის სახელობის სასამართლო ექსპერტიზის ბიუროს სამედიცინო ექსპერტიზის დეპარტამენტში 12 წლის მოზარდის ცხედრის გამოკვლევა დასრულებულია.“გამოკვლევა დასრულებულია, ცხედარი გადასვენებულია ოჯახში. ამჟამად მიმდინარეობს ლაბორატორიული კვლევები. კვლევების დასრულების შემდეგ, მოხდება ამ კვლევების შეჯერება და დაიწერება დასკვნა, რომელიც გადაეცემა დამნიშნავ საგამოძიებო უწყებას“, – განაცხადეს სამხარაულის ბიუროში.
12 წლის გოგონას გარდაცვალების ერთ-ერთ ვერსიად საკვების გადაცდენით გამოწვეული ასფიქსია სახელდება. მოზარდის ექსპერტიზა დასრულებულია. გოგონას ცხედარი უკვე გადაასვენეს სახლში. შესაბამისად, განზრახ მკვლელობის მუხლით დაწყებული გამოძიება, დიდი ალბათობით, გადაკვალიფიცირდება.
ინფორმაცია, ჯერჯერობით, ოფიციალურად არ დასტურდება. ჩვენი ინფორმაციით, ექსპერტიზის შედეგები მალე გახდება ცნობილი.
