“იმის თქმა რომ გედია მარიტასთან წავიდა მიუღებელია,სოსო ჯაჭვლიანს ჰყავდა ულამაზესი ცოლი..”

მსახიობ სოსო ჯაჭვლიანის გარდაცვალების შემდეგ, სოციალურ ქსელში უამრავი პოსტი გავრცელდა შემდეგი შინაარსით: „გედია წავიდა თავის მარიტასთან, იქ ერთად იქნებიან“…ფაქტს ტელეწამყვანი ეკო ფანგანი ეხმიანება და განმარტავს, რომ მიუღებელია ამ ფორმით ორი მსახიობის პერსონაჟის ურთიერთობის რომანტიზება რეალურ ცხოვრებაში.„ჩემი მოკრძალებული აზრით, გედიას და მარიტას ურთიერთობის რომანტიზება რეალურ ცხოვრებაში

(მიუხედავად ჩვენი ყველას სიყვარულისა ამ პერსონაჟების და, ზოგადად, ფილმის მიმართ), მიუღებელია.სოსო ჯაჭვლიანს მთელი ცხოვრება ჰყავდა არაჩვეულებრივი, ულამაზესი ცოლი ირმა, რომელთანაც ბედნიერი 31 წელიწადი განვლო.ვფიქრობ, წინადადება „გედია წავიდა თავის მარიტასთან”, ამ შემთხვევაში უადგილოა, როგორი გადატანითი მნიშვნელობითაც არ უნდა იყოს,“ – წერს ტელეწამყვანი.ცნობისთვის, სოსო ჯაჭვლიანი 65 წლის ასაკში გარდაიცვალა. ის მძიმე დაავადებას ებრძოდა.