ვასილი სამზარეულოში იჯდა ჩაის ჭიქით და ჩაფიქრებული იყურებოდა ფანჯარაში. პერიოდულად, ის საათს გახედავდა და ამოიოხრებდა ხოლმე. კაცი ცუდ ხასიათზე იყო, რადგან მისი ვაჟი და რძალი სამსახურში შეყოვნდნენ. ხანდახან მას ეჩვენებოდა კიდეც, რომ ისინი ამას სპეციალურად აკეთებდნენ და ამ გზით, მოხუცს თავს არიდებდნენ. ისინი ეუბნებოდნენ, რომ სამსახურში არსებული პრობლემების გამო უწევდათ შეყოვნება, რომ მათ გვიანობამდე დარჩენა და საქმეების დასრულება უხდებოდათ. კაცი განიცდიდა, რომ თავისით არაფრის გაკეთება არ შეეძლო. მას სისტემატურად ოჯახის წევრებისთვის უხდებოდა დახმარების თხოვნა. ჯერ კიდევ ახლო წარსულში, ის მარტო ცხოვრობდა და სახლსაც უვლიდა და საკუთარ თავსაც. მისი ცოლი საკმაოდ დიდი ხნის წინ გარდაცვლილიყო, ამიტომ, ვასილი უკვე მიჩვეული იყო დამოუკიდებლობას. ყველაფერი ნორმალურად მიდიოდა, მაგრამ ერთხელ, უბედურება შეემთხვა, კაცი მაღაზიაში გავიდა, მისი სახლი კი ამ დროს დაიწვა. რთული სათქმელია, რამ გამოიწვია ცეცხლის გაჩენა, მაგრამ სავარაუდოდ, ეს მოკლე ჩართვა იყო. როცა კაცი სახლში პროდუქტებით სავსე ცელოფნით დაბრუნდა, დაინახა, როგორ ცდილობდნენ მეხანძრეები მის სახლში ცეცხლის ჩაქრობას. ის იმდენად განადგურებული იყო ნანახით, რომ გონება დაკარგა.
ვიდეო:
ვიდეო:
