2021 წლის ივლისში კესარია აბრამიძეს ერთ-ერთ ინტერვიუში ჰკითხეს:
ღმერთს რომ შეხვდები, რას კითხავ?
,,რატომ გამოიმეტე ჩემთვის ამდენი სიკეთე? ალბათ გეცალა – მხატე, მქარგე გამალამაზე და ასეთი შემქმენი’’, – ასეთი პასუხი გასცა ჟურნალისტს კესარია აბრამიძემ.
18 სექტემბერს ცნობილი გახდა, რომ თბილისში, დიდ დიღომში, ავთანდილის ქუჩაზე, საკუთარ ბინაში მოკლული ქალი, კესარია აბრამიძე იპოვეს. არსებული ინფორმაციით, მას სასიკვდილო ჭრილობა ყელის არეში ცივი იარაღით აქვს მიყენებული.
კესარია აბრამიძის მკვლელობაში ბრალდებული პირი დაკავებულია, დანაშაული კი 16-დან 20 წლამდე ან უვადო თავისუფლების აღკვეთას ითვალისწინებს.
