მსახიობი, რომელმაც საზოგადოებას თავი შექსპირისეული როლების შესრულებით გააცნო, გარდაიცვალა. მანუჩარ შარვაძის სასცენო მოღვაწეობა, დაახლოებით, 67 წელს ითვლიდა. სამწუხარო ინფორმაციას სოციალურ ქსელში „ბათუმი – აჭარა“ ავრცელებს.„ქართული კინოს და თეატრის გამოჩენილი მსახიობი, საპატიო ბათუმელი, საქართველოს სახალხო არტისტი მანუჩარ შერვაშიძე გარდაიცვალა“, – წერია სამძიმრის წერილში.
ცნობისთვის, ქართული თეატრალური ხელოვნების განვითარებაში შეტანილი განსაკუთრებული წვლილისათვის მანუჩარ შერვაშიძეს მინიჭებული აქვს აჭარისა და საქართველოს დამსახურებული არტისტისა და საქართველოს სახალხო არტისტის საპატიო წოდებები. არის იუსუფ კობალაძისა და უშანგი ჩხეიძის სახელობის პრემიების ლაურეატი.
